د هند د دفاع وزير، راجنات سینګ د پاکستان پر ضد د خپل هېواد د وروستيو پوځي اقداماتو په تړاو چې «سندور عمليات» نومېږي، سخت خبرداری ورکړی دی.
نوموړي ويلي، که پاکستان يو ځل بيا د هند پر وړاندې خپل ناسم چلند ته دوام ورکړي؛ نو دا ځل به داسې ځواب ورکړل شي چې ټوله نړۍ به يې ننداره کوي.
دغه لوړپوړي هندي چارواکي د يوې وينا پر مهال ټينګار کړی چې سندور عمليات پای ته نه دي رسېدلي او زياته کړې يې ده چې که وضعيت بيا تکرار شي؛ نو دا ځل به هېڅ ډول بښنه او نرمي موجوده نه وي.
