د هند لومړی وزیر نریندرا مودي به نن ماښام خپل ملت ته وینا وکړي.
د هندي رسنیو د راپور له مخې، دا وینا له هغه وروسته اعلان شوې چې د پاکستان او هند ترمنځ اوربند شوی دی.
هندي رسنیو ویلي، چې مودي به په خپله وینا کې د اوربند د تفصیلاتو ترڅنګ د سیمې د روان وضعیت او راتلونکو ګامونو په اړه خپل دریځ څرګند کړي.
دوی زیاتوي، چې یادې وینا ته په نړیواله کچه پام ور اوښتی، ځکه چې له پاکستان سره تر کړکېچ وروسته مودي دغه وینا کوي.
