په داسې حال کې چې د هند او پاکستان ترمنځ ترینګلتیا او نظامي نښتې زیاتې شوې، د پاکستان جیو نیوز تلویزیون او د رویټرز خبري اژانس د یوې سرچینې په حواله راپور ورکړی، چې نن سهار د پاکستان د لاهور ښار په یوه برخه کې د زورور چاودونو غږونه اورېدل شوي دي.
د ډېلي ګارډین ورځپاڼې هم ویلي، چې چاودنې د لاهور ښار د والټن هوايي ډګر ته نږدې شوې دي.
دا پېښه یوه ورځ وروسته له هغې رامنځته شوې چې هند د پاکستان پر څو هدفونو بریدونه وکړل.
تر دې دمه د یادې پېښې د څرنګوالي او تلفاتو په اړه رسمي معلومات نه دي خپاره شوي.
