د ملګرو ملتونو د ښځو ادارې په یوه تازه راپور کې ویلي، چې د طالبانو تر واکمنېدو وروسته په افغانستان کې د کم عمره نجونو ودونه په بېساري ډول زیات شوي، چې له امله یې د نجونو د امېندوارۍ او د مېندو د مړینې کچه لوړه شوې ده.
راپور ښيي، چې په ۲۰۲۳ کال کې نږدې ۳۰ سلنه افغان نجونې تر ۱۸ کلنۍ مخکې، او ۱۰ سلنه تر ۱۵ کلنۍ مخکې واده شوي دي.
ادارې خبرداری ورکړی چې تر ۲۰۲۶ پورې به د کم عمره مېندو شمېر ۴۵ سلنه زیات او د مړینې کچه تر ۵۰ سلنې لوړه شي.
ملګرو ملتونو دا وضعیت د زدهکړو، کار او روغتیايي خدماتو د محدودیتونو پایله بللې او له نړیوالې ټولنې یې غوښتي، چې د افغان ښځو د ملاتړ لپاره ژر اقدام وکړي.
