د ترکیې د کورنیو چارو وزارت تایید کړی چې د لیبیا د پوځ لوی درستیز محمد علي احمد الحداد د الوتکې د لوېدو له پېښې وروسته انقرې کې مړ شوی دی.
د لیبیا ولسمشرۍ شورا هم خبر ورکړی چې الحداد له څو نورو لوړپوړو نظامي چارواکو سره وژل شوی دی.
د ترکیې د کورنیو چارو وزیر په وینا، الوتکې د حیمانا سیمې په فضا کې د بېړنۍ ناستې غوښتنه وکړه؛ خو له هغې وروسته یې اړیکه پرې شوه.
د لیبیا لومړي وزیر عبدالحمید الدبیبه د پېښې له امله د خپل هېواد د پوځ د لوی درستیز پر مړینه خواشیني څرګنده کړې ده.
