د قرغیزستان د ملي امنیت شورا منشي، باکتیبک بکبولوتوف، د روسیې له لوري د طالبانو په رسمیت پېژندل یو نیک اقدام بللی؛ خو ویلي یې دي، چې دا په دې معنی نه دی، چې نور هېوادونه هم باید طالبان ژر تر ژره په رسمیت وپېژني.
نوموړي ویلي، هر هېواد د خپلو ملي ګټو پر بنسټ تصمیم نیسي.
هغه زیاته کړې چې قرغیزستان هم، د نورو سیمهییزو هېوادونو په څېر، له طالبانو سره یو عملمحور سیاست مخ ته وړي.
بکبولوتوف ویلي، روسیې د طالبانو رسمیت پېژندنه ځکه منطقي بللې چې دا کار به د سیمې امنیت ته ګټه ورسوي او د افغانستان وضعیت به ثبات ومومي.
نوموړي دا هم ویلي، د امنیتي تړون د غړو هېوادونو د شورا په وروستۍ غونډه کې ټینګار وشو چې باید له طالبانو سره، د نړیوالو ژمنو د درناوي تر څنګ، د افغانستان د سولې او ثبات لپاره مرسته وشي.
