د طالبانو حکومت ویاند ذبیح الله مجاهد له بي بي سي سره په تازه مرکه کې ویلي چې د دوي د حکومت د بهرنیو چارو سیاسي مرستیال شیرمحمد عباس ستانکزی له تیرو پنځو میاشتو راهیسې په رخصتۍ کې دی او لا هیواد ته نه دی ستون شوی.
ذبیح الله مجاهد د شیر محمد عباس ستانکزي د دندې په اړه وویل چې هغه د بهرنیو چارو سیاسي مرستیال دی خو په رخصتۍ تللی او تر اوسه نه دی راغلی.
ښاغلي مجاهد زیاته کړه د نجونو د زده کړې په اړه خبرو کې وویل چې لا هم هڅه کوي چې دې مسلې ته شرعي حل لاره وباسي.
د طالبانو حکومت ویاند ذبیح الله مجاهد وویل چې د نجونو د زده کړې مسله حساسه ده او باید اساسي کار ورته وشي.
