د طالبانو حکومت د بهرنیو چارو وزارت د امریکا د کورني امنیت وزارت وروستۍ اعلامیه مثبت اقدام او د افغانستان د امنیتي او اقتصادي وضعیت د ښه والي اعتراف وباله.
دغه وزارت ویلي، دا د دوی د لاستهراوړنو څرګند درک دی، او افغانستان د ټولو افغانانو ګډ کور دی او هر افغان د آزاد تګ راتګ حق لري.
اعلامیه کې ویل شوي، چې دوی له امریکا او نورو هېوادونو سره د هغو افغانانو د بېرته ستنولو په اړه د رغنده خبرو لپاره چمتو دی چې نور د پاتې کېدو شرایط نه لري.
اعلامیه زیاتوي، چې د قونسلي خدماتو، حقوقو خوندیتوب او ملي امنیت په اړه دوهاړخیزو حللارو ته لومړيتوب ورکوي.
د یادونې ده چې امریکا ویلي وو، چې افغانستان کې دمګړۍ امنیت او اقتصادي چاپیریال ښه شوی.
