د طالبانو حکومت د ملي دفاع وزارت ویلي، د پاکستان د وروستیو بریدونو په غبرګون کې د مشرقي زون اړوند د کونړ او ننګرهار ولایتونو پر پوله د ډیورنډ فرضي کرښې په اوږدو کې افغان دفاعي ځواکونو د پاکستان پر یوې پوځي پوستې برید کړی او هغه یې نیولې ده.
د یاد وزارت د معلوماتو له مخې، په دې عملیاتو کې ۱۴ پاکستاني پوځیان وژل شوي او ۱۱ نور ټپیان دي.
همدارنګه وزارت زیاته کړې، چې یو زرهدار ټانک او یو انټرنیشنل پوځي موټر هم په بشپړ ډول ویجاړ شوي دي.
