د طالبانو حکومت د کانونو او پټرولیم وزارت ویاند همایون افغان وایي، د ټاپي پروژې چارې په منظم ډول روانې دي او تر اوسه ۹۷ کیلومتره مسیر اوار شوی دی.
د نوموړي په وینا، د نل لیکې نوې پایپونه سیمې ته رسېدلي او ډېر ژر به د غځولو عملي کار پيل شي، چې هره ورځ به شاوخوا ۵۰۰ متره نل لیکه وغځول شي.
هغه زیاته کړه، ټاکل شوې د هرات ۱۵۳ کیلومتره مسیر د ۲۰۲۶ کال تر پایه بشپړ او د استفادې لپاره چمتو شي.
چارواکي ټینګار کوي چې دا پروژه د دوی له مهمو لومړیتوبونو څخه ده.
