د طالبانو حکومت د کانونو او پټرولیم وزیر هدایتالله بدري اعلان کړی چې د غزني د زرکشانو د پولی میتال کان د پلټنې، استخراج او پروسس تړون یې له یوه خصوصي شرکت سره لاسلیک کړی دی.
بدري ویلي، «اسلامي امارت» هڅه کړې چې د کانونو کیندنه یوازې وړتیا لرونکو او مسلکي شرکتونو ته وسپاري.
د ده په وینا، دغه کان چې شاوخوا ۲۴۰ کیلومټره مربع مساحت لري، د شفافیت او اغېزمنې ګټې اخیستنې لپاره تر تړون لاندې راغلی، څو د کانونو په سکټور کې لا زیاتې اسانتیاوې رامنځته شي.
