د طالبانو حکومت د هند په ممبئ ښار کې د خپلې جنرال قونسلګرۍ لخوا د پاسپورټونو د وېش خبر ورکړی دی.
د طالبانو د بهرنیو چارو وزارت مرستیال ویاند حافظ ضیاء احمد ویلي، چې یاد وزارت د هندوستان په ممبۍ ښار کې د افغانستان جنرال قونسلګرۍ ته هدایت کړی، څو د پاسپورټونو د ویش پروسه د افغان مهاجرینو، محصلینو او سوداګرو د اړتیاوو د حل په موخه پیل کړي.
تر دې وړاندې هندي رسنیو خبر ورکړی و، چې د هند په ممبئ کې د طالب دیپلومات پر منلو غور کوي.
