د طالبانو د حکومت ریاستالوزرا په غزه کې د اسرائیلو لهخوا روانه نسلوژنه په کلکو ټکو غندلې او دا یې یو ستر بشري ناورین بللی دی.
ریاست الوزرا په یوه اعلامیه کې ویلي چې سلګونه ملکي وګړي، په ځانګړي ډول ښځې او ماشومان وژل کېږي، د بشري مرستو لارې بندې دي او نړیواله ټولنه یا خو چوپه ده یا یې کم اقدامات کړي دي.
اعلامیه کې له ټولو هېوادونو غوښتل شوي، چې د دغه ناورین د پای ته رسولو لپاره بېړني ګامونه پورته کړي.
اعلامیه کې له خلکو غوښتنه شوې چې نن د جمعې تر لمانځه وروسته دې په جوماتونو کې د فلسطین له خلکو سره د خواخوږۍ په موخه د قرآن ختمونه وکړي او دعاوې دې وکړي.
