د طالبانو حکومت د ننګرهار، کونړ، لغمان او یو شمېر نورو ولایتونو د وروستۍ زلزلې د درنو تلفاتو په اړه د تسلیت پیغام خپور کړی دی.
په دغه پیغام کې ویل شوي چې په دې ناورین کې ګڼ شمېر افغانان شهیدان، ټپیان او زیانمن شوي دي.
د طالبانو حکومت د قربانیانو کورنیو سره خپله ژوره خواخوږي څرګنده کړې.
د طالبانو حکومت ویلي چې ټولو اړوندو ادارو ته سپارښتنه شوې څو ژر تر ژره د پېښو ځایونو ته ورسېږي، د شهیدانو د تدفین، د ټپیانو د درملنې او د زیانمنو شویو د مرستې لپاره له خپلو امکاناتو کار واخلي.
یاد حکومت له ټولو هېوادوالو غوښتي چې له زیانمنو شویو کورنیو سره د سرپناه، خوړو او جامو په برخه کې خپلې مرستې ونه سپموي.
