د طالبانو حکومت د چاپېریال ساتنې ادارې د بامیان ولایت څانګې اعلان کړی، چې ۴۱ نادر او ښکاري مرغان، چې له ناقانونه ښکارچیانو او مرغانو پلورونکو څخه نیول شوي وو، له قانوني بهیر او څارنې وروسته بېرته خپلو طبیعي استوګنځایونو ته خوشې شول.
د یادې ادارې د معلوماتو له مخې، دا مرغان د وحشي ژوو د قاچاق پر ضد د روانو هڅو په ترڅ کې ژغورل شوي وو، او خوشې کول یې د چاپېریال ساتنې او طبیعي توازن د پیاوړتیا په موخه ترسره شوي دي.
