د طالبانو حکومت وایي، چې په ۳۴ ولایتونو کې ۳۴ جهادي مدرسې جوړوي چې هره یوه به یې له زرو څخه د ډېرو زدکوونکو د جذب ظرفیت ولري.
په جوزجان کې د طالبانو د حج او اوقافو مرستیال د یوه جومات د پرانیستلو په مراسو کې ویلي چې پر دې سربیره په هره ولسوالۍ کې د دریو دیني مدرسو جوړول هم په پام کې نیول شوي دي.
دا په داسې حال کې ده چې واک ته د طالبانو تر رسېدو وروسته په هېواد کې د مدرسو د جوړېدو کار په چټکۍ روان دی.
