د طالبانو تر واک لاندې د ورزش اداره وايي، د شطرنج فدراسیون د مشرتابه د ناسم مدیریت او د دې لوبې په اړه د شرعي اندېښنو له امله، شطرنج لوبه تر ناڅرګند وخت پورې ځنډول شوې ده.
نوموړي څرګنده کړې چې دا پرېکړه د شطرنج فدراسیون د اوسني وضعیت له مخې شوې ده.
د یادې ادارې ویاند اتل مشواڼي زیاته کړې چې د شطرنج لوبې د شرعي ارزونې لپاره یو پروسه روانه ده، او تر هغې چې دا ارزونه بشپړه نه شي، او د فدراسیون دننه موجودې ستونزې حل نه شي؛ نو د شطرنج لوبه به د افغانستان د ورزش ادارې له خوا ځنډول شوې وي.
