د روغتیا نړیوال سازمان یا WHO ویلي چې په ۲۰۲۴ کال کې په نړۍ کې د ملاریا ناروغۍ شاوخوا ۲۸۲ میلیونه پېښې ثبت شوې او نږدې ۶۱۰ زره کسانو خپل ژوند له لاسه ورکړی دی.
د دې سازمان د راپور له مخې، ۹۵ سلنه مړینې په افریقا کې شوې او تر ټولو ډېر ماشومان تر پنځو کلونو کم عمره قربانیان دي.
یاد سازمان زیاته کړې چې که څه هم د نوو وقایوي وسایلو او واکسینونو کارونې د میلیونونو پېښو مخه نیولې؛ خو د ناروغۍ زیاتوالی، د درملو پر وړاندې مقاومت او د روغتیايي بودجو کمښت لا هم سترې ننګونې بلل کېږي.
