وروسته له هغه چې د افغان سولې په چارو کې د امریکا پخواني استازي زلمي خلیلزاد، ګلبدین حکمتیار د کابل قصاب او پاکستان او ایران ته نږدې کس یاد کړ، د چارو شننونکي جاوید همدرد زلمی خلیلزاد بې حافظې او د جهادي ډلو اصلي تمویلونکی وباله چې سپینې ماڼۍ ته یې رسمي بلنې ورکولې.
ښاغلي همدرد په دې غبرګون کې لیکلي:« ښاغلی خلیلزاد زه ستا په اړه اندیښمن یم، ایا تاسې په ریښتیا د حافظې له لاسه ورکولو یا د الزایمر یا کومه بله ناروغۍ لرئ؟»
ښاغلی همدرد وایي، دا ښاغلی زلمی خلیلزاد وو چې د جهادي ډلو سپینولو ته یې کار ویلی وو.
