د پاکستاني رسنیو د راپورونو له مخې، د تورخم دروازې د یوې میاشتې تړل کېدو له امله د دواړو هېوادونو سوداګریزو فعالیتونو د پام وړ زیانونه ګاللي.
راپورونه ښيي چې په دې موده کې په وارداتو او صادراتو کې شاوخوا ۴.۵ میلیارده ډالره او ۱۶.۵ میلیارده روپۍ تاوان رامنځته شوی دی.
یادو رسنیو زیاته کړې چې پر افغانستان د طالبانو حکومت د بیا واکمنۍ راهیسې پاکستان د افغان بازار شاوخوا ۶۵ سلنه برخه له لاسه ورکړې، او دغه بازار ایران، مرکزي اسیا، ترکیې او هند ته انتقال شوی.
د اسلام اباد او کابل سیاسي ناندریو د دواړو هیوادونو اقتصادي وضیعت ترینګلی کړی او ترمنځ یې سوداګرو ته پراخ مالي زیانونه اړولي.
