د ترکیې پولیسو د ۴۳ افغانانو په شمول ۱۴۸ کډوال نیولي دي.
ترکیي رسنیو ویلي، چې یاد کډوال له دغه هېواد څخه د غیر قانوني کډوالو د اېستلو لپاره ترسره شویو عملیاتو کې نیول شوي.
په دغو کسانو کې درې انساني قاچاق کوونکي هم شامل دي.
دا کسان د سنبلې له ۱۲مې تر اتلسمې پورې په اتو بېلابېلو عملیاتو کې نیول شوي دي.
دا په داسې حال کې ده چې وړمه ورځ د ملګرو ملتونو د کډوالو سازمان راپور ورکړی وو چې د اګست میاشتې له ۲۵ مې تر ۳۱ مې پورې ۶۳ زره افغانان خپل هېواد ته را ستانه شوي او ۹۶ زره نور ترې وتلي دي.
