د بښنې نړیوال سازمان وایي چې په بلوچستان کې د لاریون کوونکو ځپل او نادرکه کېدل لا هم روان دي.
سازمان وايي، د جولای په ۵مه پنځه تنه لاریون کوونکي نیول شوي، چې له ډلې یې څلور ښځې دوه ورځې وروسته خوشې شوې، خو عبدالله بلوڅ لا هم بندي دی.
د بښنې نړیوال سازمان له پاکستاني چارواکو غوښتي چې د بلوڅ فعالانو د نیولو لپاره قوانین د فشار وسیله نه کړي ،او ټول فعالان باید خوشې شي.
سازمان همداراز غوښتنه کړې چې په پاکستان کې دې د جبري نادرکه کېدو او له قانوني بهیره پرته اعدامونو په تړاو پراخې، شفافې څېړنې وشي.
