د بخښنې نړیوال سازمان وايي چې د طالبانو نظامي تبعیض د افغان ښځو ژوند له سختو محدودیتونو سره مخ کړی دی.
د دې سازمان په وینا، طالبان ښځې یوازې د کور دننه پاتې کېدو ته مجبوروي او د هغوی حقوق تر پښو لاندې کوي.
یاد سازمان خبرداری ورکړی، چې که د افغان ښځو پر وړاندې ظلم دوام ومومي؛ نو دا به د نړیوال عدالت لپاره خطرناک مثال شي.
دغه سازمان ټینګار کوي چې نړیوال باید د طالبانو پر ضد جدي اقدامات وکړي، نه دا چې هغوی ته دیپلوماتیک هرکلی ووایي.
یاد سازمان زیاته کړې، چې د ښځو نړیواله ورځ باید د بدلون نقطه وي، څو د افغان ښځو د سیسټماټیک ظلم مخه ونیول شي.
