د بخښنې نړیوال سازمان وایي، چې د طالبانو حکومت دې ټول هغه فرمانونه بېرته لغوه کړي چې پر ښځو پکې بندیزونه لګول شوي.
د بخښنې نړیوال سازمان پر خپله ایکسپاڼه لیکلي، چې د طالبانو دغه بندیزونو کې د ښځو او نجونو بشري حقونه تر پښو لاندې شوې دي.
یاد سازمان زیاته کړې چې افغانستان کې د ښځو او نجونو پر حقونو سخت بریدونه شوي او د ښځو د ژوند ټولې برخې یې متاثره کړې دي.
دا په داسې حال کې ده چې د طالبانو د امر باالمعروف وزیر خالد حنفي تازه ویلي، کله چې یوه بالغه ښځه لمونځ ادا کوي او یوه بله بالغه ښځه یې له مخې تېرېري، دا لمونځ کوونکي ښځه اجازه نه لري چې “الحمدلله” او “سبحان الله” ووایي.
