د ایران د سپاه پاسداران ځواکونو ویلي چې د اسراییلو د لومړي وزیر بنیامین نتنیاهو د وژنې لپاره به خپلې هڅې زیاتې کړي.
د سپاه پاسداران په خپره شوې خبرپاڼه کې راغلي چې که د اسراییلو لومړی وزیر ژوندی وي، دوی به د هغه د څار او تعقیب هڅو ته دوام ورکړي تر څو وې وژني.
په بیان کې نوموړی د ماشومانو د وژنې مسوول بلل شوی او ټینګار شوی چې پر ضد به یې سخت اقدامات ترسره شي.
دا څرګندونې په داسې حال کې کېږي چې تر دې وړاندې د نتنیاهو د وژل کیدو ادعاوې خپرې شوې وې؛ خو د نوموړي دفتر دا اوازې رد کړي دي.
