د ایران د بهرنیو چارو وزارت د امریکا د ولسمشر ډونالډ ټرمپ له لوري ایران ته د بمبارۍ ګواښ غندلی او دا یې د نړیوالو اصولو ښکاره نقض بللی دی.
د دې وزارت ویاند اسماعیل بقایي، خبرداری ورکړی، چې تاوتریخوالی، تاوتریخوالی زېږوي او سوله، سوله رامنځته کوي.
هغه ټینګار کړی، چې دا انتخاب د امریکا په لاس کې دی او پایلې به یې هم هماغې ته متوجه وي.
دا په داسې حال کې ده، چې تېره ورځ د امریکا ولسمشر ایران ته ګواښ وکړ چې یا توافق وکړئ او یا به بمبار شئ.
