د ایران د بهرنیو چارو وزیر سید عباس عراقچي د اسلو د ۲۲م نړیوالې غونډې په څنډه کې د ناروې له بهرنیو چارو وزیر اسپن بارت ایده سره د افغانستان د وضعیت په اړه خبرې کړې دي.
د ایران د بهرنیو چارو وزارت په یوه خبرپاڼه کې ویلي چې افغانستان د دواړو لوریو د بحث له اصلي موضوعاتو څخه و.
په خبرپاڼه کې راغلي، دواړو وزیرانو د دوهاړخیزو اړیکو، سیمې ته د پام وړ بدلونونو او نړیوالو مسایلو په اړه نظرونه تبادله کړي دي.
د افغانستان په تړاو د دوی د خبرو د دقیقو جزییاتو په اړه نور معلومات نه دي ورکړل شوي.
