د لوېدیځ چارواکي وايي، د اوکرایین په جګړه کې د شمالي کوریا ځواکونو ته درانه زیانونه اوښتي دي.
دوی ویلي، چې په تېرو درې میاشتو کې د روسیې په کرسک سیمه کې په جګړو کې د شمالي کوریا ځواکونو ته نږدې ۴۰ سلنه تلفات اوښتي دي.
دغه چارواکو د نوم نه ښودلو په شرط بي بي سي ته ویلي، چې د شمالي کوریا له شاوخوا ۱۱۰۰۰ پوځیانو څخه ۴۰۰۰ یې په جګړه کې وژل شوي دي.
دوی زیاتوي، چې د تلفاتو دا کچه د شمالي کوریا لپاره د زغم وړ نه ده.
