د امریکا د پنځمې سمندري بېړۍ قومندانۍ اعلان کړی چې د USS Santa Barbara جنګي بېړۍ سرتېرو د «Killer Tomato» په نوم مهم پوځي تمرین کې برخه اخیستې ده.
دغه تمرین د مرکزي قومندانۍ سنتکام (CENTCOM) تر ساحې لاندې ترسره شوی او پکې د A-10 Thunderbolt II جنګي الوتکو هم فعاله ونډه لرله.
د امریکا پوځ وايي، دا ژوندی فایر تمرین د سمندري ځواکونو د توپچي وړتیا د لوړیدو په هدف شوی، د هوايي او سمندري ځواکونو ترمنځ همغږي یې پیاوړې کړې او په سیمه کې یې د امریکا د پوځي ځواک د چمتووالي او تاثیر اچوونې پیغام روښانه کړی دی.
دا تمرینات داسې مهال کېږي چې په منځني ختیځ کې د امریکا او ایران ترمنځ امنیتي کړکېچونه لا هم دوام لري.
