د ځينو عربي رسنيو د راپورونو له مخې، د لبنان حکومت د امريکا هغه طرحه منلې ده چې د حزبالله د وسلو اخيستو (خلع سلاح) لپاره وړاندې شوې وه.
د لبنان د عدليې وزير ويلي، حکومت د امريکايي استازي په ليک کې ياد شوي اهداف منلي او تأييد کړي دي.
د دې طرحې له مخې، که حزبالله تر ۲۰۲۵ کال پورې بېوسلې شي، اسرائيل به خپلې پوځي عمليات په لبنان کې ودروي او له جنوبي لبنان څخه به خپل پوځيان وباسي.
دغه طرحه د امريکا د ولسمشر ډونالد ټرمپ ځانګړي استازي، تام باراک، وړاندې کړې ده.
ويل شوي دا تر ټولو مفصله امريکايي طرحه ده چې له تېرې جګړې راهيسې د حزبالله د بېوسلې کولو لپاره وړاندې شوې ده.
خو حزبالله دا غوښتنه رد کړې او ويلي يې دي چې د نواف سلام حکومت ډېره ستره تېروتنه کړې.
تر دې وړاندې د ایران د بهرنیو چارو وزیر عباس عراقچي ويلي وو چې حزبالله به هيڅکله بېوسلې کېدل ونه مني، او د حزبالله مشر هم په يوه اعلاميه کې د مقابلې ژمنه کړې.
بل لورته د لبنان د بهرنيو چارو وزارت د عباس عراقچي څرګندونې غندلي دي.
