د افغانستان د هوایي چلند د پخواني ادارې مشر محمود شاه حبیبي ورور احمد شاه حبیبي د امریکا لخوا د هغه د پیدا کیدو یا د معلوماتو ورکولو په سر د پنځه میلیونه ډالرو انعام ورکولو په غبرګون کې ویلي چې نوموړی په کندهار کې د طالبانو په زندان کې دی.
حبیبي زیاته کړې چې هغه د خپل ورور د برخلیک په اړه د امربالمعروف وزارت د مرستیال وزیر په ګډون د طالبانو له چارواکو سره خبرې کړې دي او د مرستې غوښتنه یې کړې ده، خو د وزارت مرستیال ورته ویلي چې د حبیبي خلاصون د هغه له توان څخه پورته دی.
امریکا متحده ایالات د خپل تبعه او د افغانستان د ملکي هوايي چلند د پخواني مشر محمود شاه حبیبي په اړه د معلوماتو لپاره پنځه میلیونه ډالر انعام اعلان کړی.
