د پاکستان لومړی وزیر شهباز شریف د قطر د امیر په رسمي بلنه دغه هېواد ته په دوه ورځني سفر ولاړ.
پاکستاني رسنیو راپور ورکړی، چې نوموړی به هلته د قطر له امیر شیخ تمیم بن حما الثاني سربېره، له یو شمېر پانګوالو او د سوداګرو ټولنې له استازو سره هم وګوري.
نوموړی په داسې حال کې یاد سفر کوي، چې پاکستان اوس مهال له سختو اقتصادي ننګونو سره مخ دی.
پاکستان تمه لري، چې خلیج هېوادونه، سعودي عربستان او چین به یې په خپلو مرستو سره له روانې اقتصادي بې ثباتي خلاص کړي.
