د افغانستان د رسنیو د ملاتړ بنسټ واک ته د طالبانو حکومت د رسېدو د څلورمې کلیزې په مناسبت په خپل تحلیلي راپور کې ویلي، له اګست ۲۰۲۱ تر جولای ۲۰۲۵ پورې د طالبانو له لوري د افغان خبریالانو پر وړاندې ۵۳۹ د تاوتریخوالي پېښې ثبت شوي دي.
د راپور له مخې، د جمهوریت له سقوط او د طالبانو تر واکمنېدو وروسته په افغانستان کې د بیان ازادي او رسنۍ سختې محدودې شوې.
یاد بنسټ زیاته کړې، چې د طالبانو حکومت له لوري پر خبریالانو جدي بندیزونه لګول شوي دي.
