د طالبانو حکومت تر واک لاندې د افغانستان بانک وایي، چې له دې وروسته به د افغان حاجیانو ټول مالي لګښتونه یوازې په افغانیو اخیستل کیږي.
یاد بانک د یوې خبرپاڼې په خپرولو سره ویلي، چې د افغانیو پر ثبات د مثبتې اغېزې لپاره دا پرېکړه له اړوندو ادارو سره یې کړې.
خبرپاڼه کې ویل شوي، چې افغانۍ زموږ د ملي هویت برخه ده چې په راکړه ورکړه کې کارونه یې د ملي اقتصاد د ودې لپاره یو اساسي ګام او د ټولو افغانانو ګډ ملي مسؤلیت دی.
