د اسراییلو د دفاع وزیر یسرائیل کاتز اعلان کړی چې د دې هېواد پوځ ته یې لارښوونه کړې چې په لبنان کې د پوځي عملیاتو د پراخولو لپاره چمتووالی ونیسي.
کاتز ویلي، که د لبنان حکومت ونه شي کولی په خپل قلمرو کې وضعیت کنټرول کړي، نو اسراییل به اړ شي چې خپله مداخله وکړي.
د هغه په وینا، دې موضوع په اړه یې د لبنان ولسمشر ته هم خبرداری ورکړی دی.
د اسراییلو د دفاع وزیر ټینګار کړی چې که د لبنان حکومت د سیمې د امنیت او ثبات د ساتلو توان ونه لري، اسراییلي ځواکونه به د سیمې د کنټرول لپاره اقدام وکړي.
