د اسرائیلو له لوري پر ایران بریدونه، چې د جمعې په سهار پیل شوي وو، تر شنبې سهاره دوام لري.
په تهران کې مهرآباد، اقدسیه، حکیمیه او پاستور سیمې تر برید لاندې راغلي.
په زنجان کې هم یوه پوځې اډه په نښه شوې، او په کرج کې د کوه عظیمیه په سیمه کې چاودنه شوې ده.
ځینو رسنیو هدف مخابراتي برج بللی، خو عیني شاهدان وايي چې د برید هدف د رادار سیستم و.
همدارنګه، د ایران بیدگنه توغندويي اډه چې له هغه ځایه د اسرائیلو پر لور توغندي ویشتل شوي، تر برید لاندې راغلې ده.
