د طالبانو حکومت تر واک لاندې د ازموینو ملي ادارې د معلوماتو له مخې، د ۱۴۰۴ تعلیمي کال د کانکور ازموینې لومړی پړاو نن، د غبرګولي په ۸مه، په ۱۱ ولایتونو کې پیل شو.
دغه ادارې ویلي، چې یادې ازموینې ته نږدې ۲۵ زره او ۳۰۰ ځوانانو نوملیکنه کړې، او ټاکل شوې دا پروسه په هغو ولایتونو کې ترسره شي چې امنیتي او تخنیکي شرایط یې برابر ګڼل شوي.
یادې ادارې ویلي، چې دغه ازموینه په کاپیسا، پروان، پنجشېر، بغلان، غور، بامیان، ډایکنډي، میدان وردک، لوګر، پکتیکا او غزني ولایتونو کې پیل شوې ده.
د یادونې ده چې له تېرو څو کالو راهیسې د طالبانو حکومت د نجونو ښوونځي تړلي او د کانکور له ازموینې څخه هم بې برخې دي.
