د ازادۍ په نوم جبهې اعلان کړی چې له دې وروسته به د طالبانو حکومت د امر بالمعروف وزارت کسان هم هدف ګرځوي.
د ازادۍ جبهې ویلي، چې دا پرېکړه وروسته له هغه شوې چې د طالبانو لخوا په کابل کې لسګونه نجونې نیول شوې دي.
دغې جبهې زیاته کړې، چې د ښځو پر وړاندې دا ډول چلند نه زغمل کېږي او عاملین به یې سزا ویني.
په ټولنیزو رسنیو کې خپرې شوې ویډیوګانې ښيي چې د طالبانو ځواکونو کابل کې له بازارونو او تفریحي ځایونو څخه نجونې نیولي او له ځانه سره یې وړي دي.
