د «احصایې نړۍ» په نوم د یو بنسټ تازه څېړنې ښيي، چې افغانستان د ښځو لپاره د نړۍ د ناامنه هېوادونو په سر کې دی.
دغه بنسټ د هغو هېوادونو یو لېست خپور کړی، چې مېرمنې په کې خوندي نه دي.
په دې لېست کې لومړی افغانستان، ورپسې یمن، مرکزي افریقا، جنوبي سوډان او یو شمېر نور هېوادونه ښودل شوي، چې ښځې په کې د ژوند د خوندیتوب له پلوه تر ټولو زیاتې ځوریږي.
دا په داسې حال کې ده، چې د مارچ اتمې په مناسبت ګڼو بنسټونو، فعالانو او چارواکو ویلي، چې طالبان باید افغانستان کې د ښځو خلاف زور زیاتی او بندیزونه پای ته ورسوي.
