د آزادۍ جبهې په یوه خپره کړې اعلامیه کې د یوناما هغه راپور رد کړی چې پکې ویل شوي، چې د دغې جبهې د بریدنو له امله د بلخ ولایت په دوو بریدونو کې اووه ملکي کسان ټپیان شوي دي.
یوناما دا پېښې د مزارشریف ښار اړوند بللې او د یادو بریدونو مسئولیت یې دې جبهې پورې تړلی.
خو د آزادۍ جبهې ویلي، دا پېښې له دوی سره تړاو نه لري او دوی د جګړې قوانینو، د ملکي وګړو ژوند ته ژمنتیا او دعامه تاسیساتو د خوندیتوب اصولو ته پابند دي.
