د خیبر پښتونخوا د کرم په مرکزي ولسوالۍ کې د پاکستاني امنیتي ځواکونو هوايي برید کې د پاکستاني طالبانو د یوه مهم قومندان قاسم په ګډون د هغه شپږ نږدې ملګري وژل شوي دي.
د خراسان ډایري د راپورونو له مخې، وژل شویو کسانو کې ابودردا، قاري صدیق او عبیده (چې اصلي نوم یې باز نظیر و) شامل دي.
عبیده د ډلې شاعر او د قومندان قاسم نږدې ملګری بلل کېده.
د امنیتي سرچینو په وینا، دغه برید د وروستیو نښتو وروسته شوی چې پکې ۱۱ پاکستاني سرتېري وژل شوي وو.
