د پاکستان دفاع وزیر خواجه اصف پر پخواني لومړي وزير عمران خان سختې نيوکې کړې دي او ویلي یې دي، چې عمران خان په خپله واکمنۍ کې د نواز شريف او د هغه د کورنۍ پر وړاندې د ظلم تر ټولو لوړې کچې ته رسېدلی و.
نوموړي ادعا کړې چې نواز شريف ته حتا د خپلې مېرمنې د مرګ پر مهال د اړيکې اجازه نه ورکول کېده او د هغه د کورنۍ غړي، چې په سياست کې هم نه ول، د سياسي انتقام ښکار شول.
هغه زياته کړې، اوس چې عمران خان په بند کې دی، د ځانګړو اسانتياوو څخه ګټه اخلي او ځان مظلوم ښيي.
