د طالبانو حکومت د کابل امنیه قومندانۍ ویاند، خالد ځدراڼ ویلي چې د پخوانۍ سندرغاړې زلاله هاشمي د ورکېدو په اړه خپاره شوي راپورونه او اوازې د طالبانو لهخوا تر لومړنۍ څېړنې لاندې نیول شوي دي.
نوموړي وضاحت ورکړی چې تر اوسه پورې د پلټنو موندنې ښيي چې زلاله هاشمي د زور یا اجباري تښتونې پرته، پخپله خوښه له کوره وتلې ده.
د هغه په وینا، د تښتونې یا کوم بل زور زیاتي نښې ندي موندل شوي.
ځدراڼ زیاته کړه چې دا موضوع لا هم د طالبانو لهخوا څېړل کېږي او که اړتیا وي، نو نور جزئیات به له رسنیو سره شریک کړي.
