د طالبانو حکومت د ریاست الوزرا د دفتر رییس عبدالواسع نن له غرمې مخکې له پاکستانه راغلي پلاوي ته په ارګ کې هرکلی ویلی.
د طالبانو حکومت مرستیال ویاند حمدالله فطرت ویلي، چې ښايي یاد پلاوی له رییس الوزرا سره هم د دواړو هیوادونو ترمنځ د سیاسي، اقتصادي، تجارتي او فرهنګي اړیکو پر پراختیا سربېره په پاکستان کې د مېشتو افغان کډوالو د اجباري اخراج موضوع په اړه خبرې وکړي.
د یادونې ده، چې د اسحاق ډار په مشرۍ دغه پلاوی نن سهار کابل ته را ورسېد.
