د افغانستان پخواني ولسمشر حامد کرزي د اسراییلو لهخوا پر ایران وروستي بریدونه سخت غندلي او دا یې د نړیوالو اصولو سره ښکاره مخالفت بللی دی.
کرزي ویلي، بریدونه چې له امله یې ملکي تلفات او تاوانونه اوښتي، د نړیوالو قوانینو خلاف دي.
هغه ایران د افغانستان نېک ګاونډی یاد کړی او ویلي چې دغه هېواد تل له افغانانو ملاتړ کړی دی.
نوموړي ټینګار کړی چې نړۍ اوس سولې او ثبات ته اړتیا لري او جګړې د بشریت لپاره ستر ګواښ دی.
کرزي له ټولو هېوادونو غوښتي چې د نړیوالو اصولو درناوی وکړي او د سولې لپاره هڅې وکړي.
نوموړي د ایران له خلکو سره خواخوږي څرګنده کړې او د قربانیانو لپاره یې دعا کړې ده.
