د جمهوري نظام د کورنیو چارو وزارت امنیتي مرستیال، جنرال خوشال سادات ویلي چې افغانستان نه د سیلانیانو ستر مرکز دی، نه د بهرنیو شرکتونو لپاره د پانګونې مهم بازار، او نه هم پکې د ټکنالوژۍ لویې تولیدي فابریکې شته.
نوموړي استدلال کړی چې پر افغانستان د بمبارۍ اغېز د پاکستان په پرتله کم دی؛ خو که جګړه د پاکستان لویو ښارونو ته وغځېږي؛ نو هلته به درانه زیانونه واوړي او پر ولس، سوداګرۍ او تولیدي سکټور به سخت فشار راشي.
جنرال سادات زیاته کړې چې افغان ولس له جګړو سره عادت شوی؛ خو د جګړې غږ د پاکستان د ښارونو پر مورال ژور اغېز کولی شي.
هغه د پوځي کارپوهانو له قوله ویلي: «تعرض تر ټولو ښه دفاع ده.»
