ویل کېږي، چې ترکیې هېواد پنځه سوه افغان کډوال نېولي او بیرته یې افغانستان ته را لېږي.
یو شمېر افغان کډوال وايي، د ترکیې هېواد چارواکو ورته ویلي، چې د دایمي استوګنې کارتونه ورکوي او په دې اړه یې ورته ټاکلی ځای هم ښودلی؛ خو کله چې دوی هلته ورغلي، نو پولیسو نیولي او اوس بندیان دي.
په رسمي ډول د ترکیې دولت په دې اړه څه نه دي ویلي؛ خو له یوې مودې راهیسې یې د افغان کډوالو په جبري ډول را شړل پیل کړي دي.
