د نړیوالو رسنیو د راپورونو له مخې، د ترکیې په استانبول کې د اسراییل قونسلګري د وسلوال برید هدف ګرځېدلې ده.
د اسوشیټډ پرېس د راپور له مخې، دا پېښه نن رامنځته شوې ده.
په برید کې دوه بریدګر وژل شوي، یو د پولیسو افسر ټپي شوی او یو بل کس نیول شوی دی.
د ترکیې د عدلیې وزیر، یلماظ تونچ، ویلي چې د دې پېښې په اړه څېړنې پیل شوې دي.
تر اوسه د بریدګرو د پېژندنې او د هغوی د انګېزو په اړه نور معلومات نه دي خپاره شوي.
