وروسته له هغه چې یو شمېر رسنیو راپور ورکړ چې پاکستاني جیټ الوتکو د مزارشریف ښار کې د طالبانو حکومت د الفتح قول اردو پر مرکز برید کړی، یوې امنیتي سرچینې حماسه میډیا ته د بلخ ولایت په فضا کې د پاکستاني الوتکو د ګرځېدو خبر تایید کړ، خو د برید ادعاوې یې رد کړې.
یادې سرچینې، چې نه یې غوښتل نوم یې واخیستل شي، حماسه میډیا ته ویلي چې د الفتح قول اردو اړوند ځواکونو د احتیاطي تدابیرو په توګه پر دغو الوتکو د درنو وسلو له لارې څارنه کړې او محدود اقدامات یې ترسره کړي دي.
د معلوماتو له مخې، تر دې دمه نه د یادو الوتکو له لوري کوم برید شوی او نه هم د امنیتي ځواکونو او الوتکو ترمنځ کومه جدي نښته رامنځته شوې ده.
