د اسراییلو لومړي وزیر بنیامین نتنیاهو اعلان کړی چې د ایران د سپاه پاسداران د استخباراتو رییس مجید خادمي یې په یو ځانګړي عملیات کې وژلی دی.
نتنیاهو په خپل پیغام کې زیاته کړې چې د قدس ځواک اړوند د ۸۴۰م واحد قوماندان، چې د نړۍ په کچه د اسراییلو او یهودي وګړو پر وړاندې د بریدونو مسوول ګڼل کېده، هم له منځه وړل شوی دی.
هغه ټینګار کړی چې اسراییل به د خپلو اتباعو پر وړاندې هر ډول ګواښ ته سخت ځواب ورکړي، او ویلي یې دي چې «هر څوک چې د اسراییلو پر ضد ترهګري رهبري کړي، پایله به یې مرګ وي.»
